As condicións de acceso están estabrecidas no Real Decreto 777/98, de 30 de abril, no que se desenvolven determinados aspectos da ordenación da formación profesional.

O acceso a ciclos formativos de grao superior pode realizarse de dúas formas:

a) Acceso directo, se se reúnen os requisitos académicos necesarios.
b) Acceso mediante unha proba, se non se reúnen os requisitos académicos.

1.- ACCESO DIRECTO:

Os requisitos académicos necesarios para ter acceso directo son:
a) Titulados/as de Bacharelato LOXSE
b) Titulados/as de Bacharelato Experimental
c) Ter COU ou Preuniversitario superado
d) Titulados/as de Formación Profesional de segundo grao, ou outras titulacións equivalentes a efectos académicos.
e) Titulados/as Universitarios/as que non teñan ningunha das titulacións anteriores.

2.- ACCESO MEDIANTE PROBA:

Aquelas persoas que queiran acceder a un Ciclo Formativo de Grao Superior e non cumpran ningún dos requisitos académicos de acceso directo, sempre que teñan cumpridos vinte anos de idade ou os cumpran no ano en curso, poderán presentarse a unha proba na que o aspirante deberá acredita-la madurez en relación cos obxectivos do Bacharelato.

Para quen acredite estar en posesión do título de Técnico e desexe acceder a un ciclo formativo de grao superior da mesma familia profesional, o requisito da idade para a realización da proba será ter 18 anos, ou cumplilos no ano en curso.

Características da proba

Constará de dúas partes: Parte Xeral e Parte Específica e o nivel esixible corresponderá ó do Bacharelato LOXSE.
A Parte Xeral, común a tódolos Ciclos Formativos de Grao Superior, conterá dous apartados:
- Apartado A: Preguntas sobre contidos das materias comúns do Bacharelato, Lingua e Literatura e Historia, que se formularán trala lectura comprensiva dun texto.
- Apartado B: Constará de exercicios de Matemáticas, contidos incluídos no currículo das materias de Matemáticas aplicadas ás Ciencias Sociais I e II.

A Parte Específica incluirá contidos de determinadas materias de modalidade ou optativas do bacharelato, segundo a opción á que estea adscrita o ciclo formativo.

Exención da parte específica da proba.

Se se acredita máis dun ano de experiencia laboral no sector profesional correspondente ó Ciclo Formativo que se desexe cursar, pode solicitarse a exención da Parte Específica.
TITULACIONS DE GRAO SUPERIOR RELACIONADAS COA DELINEACION

- Deseño e Producción Editorial - Familia Artes Gráficas
- Desenvolvemento e Aplicación de Proxectos de Construcción - Familia Edificación e Obra Civil.
- Desenvolvemento de Proxectos Urbanísticos e Operacións Topográficas - Familia Edificación e Obra Civil.
- Realización e Plans de Obra - Familia Edificación e Obra Civil
- Desenvolvemento de Productos Electrónicos - Familia Electricidade e Electrónica
- Construccións Metálicas - Familia Fabricación Mecánica
- Desenvolvemento de Proxectos Mecánicos - Familia Fabricación Mecánica
- Desenvolvemento de Productos en Carpintería e Moble - Familia Madeira e Moble

http://wwwn.mec.es/educa/jsp/plantilla.jsp?id=31&area=formacion-profesional

- Topografía. Duración 50 horas. Contido: Iniciación a topografía. Manexo de estación total. Clases teóricas e prácticas.
- Microstation. Duración 60 horas. Nivel básico.
- Prevención de Riscos Laborais. Duración 50 horas. Semipresencial (16 horas presenciais) Nivel básico. Especifíco Construcción.
- Maquetismo. Duración 40 horas. Curso práctico sobre construcción de maquetas.
- Dereito Urbanístico . Duración 40 horas. Contido: Lei 9/2002 de Ordenación Urbanística e Protección do Medio Rural de Galicia